Камавинга се огласи по црвениот картон

Фудбалерот на Реал Мадрид, Едуардо Камавинга се огласи на социјалните мрежи откако заработи исклучување на мечот со Арсенал.

„До сите Мадридисти, мојата фрустрација ме надмина на крајот од натпреварот и за тоа сакам да се извинам. Мора да продолжиме да веруваме и ќе ни требате во реваншот. Сите заедно! До крајот! Хала Мадрид!“ напиша францускиот играч за врска.

Реваншот се игра во Мадрид на 16 април од 21:00 часот, а ќе видиме дали Реал ќе успее да ја надополни  големата негатива од 3:0.