Кој со кого во плејофот во ЛШ, еве го костурот на паровите (ФОТО)

Синоќа беше одиграно последното коло од лигашката фаза на Лигата на шампионите, по што се познати сите екипи кои го продолжуваат натпреварувањето во нокаут-фазата.

Пласман понатаму обезбедија вкупно 24 екипи, од кои првопласираните осум тима директно се пласираа во осминафиналето, додека екипите од 9. до 24. позиција ќе играат во плеј-оф и ќе се борат за место во осминафиналето.

Директен пласман во осминафиналето изборија Арсенал, Баерн, Ливерпул, Тотенхем, Барселона, Челзи, Спортинг и Манчестер Сити, додека во плеј-офот се пласираа Реал Мадрид, ПСЖ, Њукасл, Интер, Јувентус, Атлетико Мадрид, Аталанта, Баер Леверкузен, Борусија, Олимпијакос, Клуб Бриж, Галатасарај, Монако, Карабах, Бодо/Глимт и Бенфика.

Познат е и прелиминарниот костур во пресрет на ждрепката која ќе се одржи во петок.