Конте: Го подобрив Ромелу Лукаку со машина за топки и… Паоло Ваноли. Бепе Марота ми рече: Победи го Јувентус!

Антонио Конте даде нови изјави за „Кронак ди Спољатоио“, раскажувајќи за своето искуство во Интер, каде пристигна во 2019 година. Мисијата беше јасна од почеток, како што му рекоа поранешниот претседател Стивен Жанг и директорот Бепе Марота: „Сакаме повторно да победуваме. Не сме освојувале титула 10 години. Сакаме да ја прекинеме доминацијата на Јувентус во Италија и да се покажаме добро во Европа“.
За заминувањето по освојувањето на титулата, на крајот од втората сезона, Конте објасни: „На состанок ми кажаа дека практично сите играчи може да бидат продадени. Договорите врз кои дојдов беа различни. Иако ситуацијата со КОВИД го блокираше инвестирањето на Стивен Жанг, условите се променија. Кога се ангажираш со клуб, се ангажираш и со народот, со навивачите“.
Конте објасни и како му помогнал на Ромелу Лукаку да стане покомплетен напаѓач: „Ромелу не беше научен да игра со грбот кон голот. На почеток ми велеше дека знае само да напаѓа простори и не бил навикнат да го чува топката. По тренингот започнавме да му стреламе силно топки со автоматска машина, додека Паоло Паоло Ваноли му се приближуваше одзади за да го вознемири, секако облечен со заштитни сунѓери, за да не се повреди“.
Поврзани вести

Интер презема крупен чекор: Еве ја понудата што „нероазурите“ му ја направиле на Чалханоглу за продолжување на договорот

Почетино со проблеми уште на почетокот во Манчестер Јунајтед. Неговата прва тренинг-сесија заврши на… YouTube

