Леброн Џејмс постигна само 8 поени, прв пат по 1297 мечеви во низа!

Кошаркарите на Лос Анџелес Лејкерс го совладаа синоќа Торонто со 123-120 на гостински терен, а победата ја обезбеди Руи Хачимура, постигнувајќи тројка со звукот на сирената што означи крај на натпреварот.

Леброн Џејмс асистираше при победничкиот кош со својата 11 асистенција на натпреварот.

Џејмс го заврши натпреварот со осум поени со што ја прекина својата серија од 1.297 последователни натпревари со двоцифрен број поени.

Последен пат кога Џејмс не успеа да постигне најмалку 10 поени беше на 5 јануари 2007 година во дуелот против Милвоки.

Остин Ривс го предводеше Лос Анџелес Лејкерс до триумфот над Торонто со 44 поени, додавајќи 10 асистенции.

За Лејкерс ова беше осма победа во последните девет натпревари.