Легендарниот Шевченко влегува во политиката, ќе соработува со Зеленски!

Легендарниот украински фудбалер Андриј Шевченко влезе во политиката, а ќе соработува со претседателот на својата земја, Володимир Зеленски. Претседателот на Украина Зеленски вчера со декрет го именуваше Шевченко за свој советник. Во кратката одлука само беше наведено дека Шевченко е назначен за советник, но не беше појаснето кои прашања ќе биде задолжен да му помага на Зеленски.

Шевченко е најдобриот фудбалер на Украина во историјата, кој своите најпознати фудбалски денови ги помина во Милано, со кого ја освои Лигата на шампионите во 2003 година, а една година подоцна ја освои и Златната топка. За репрезентацијата на Украина постигна 48 гола на 111 настапи, а како селектор ја предводеше Украина до четвртфиналето на ЕП 2000, што е најдобар резултат во историјата на таа земја.