Македонија против Данска во полуфиналето од баражот за Светското првенство!
Фото: tv21m
Во седиштето на Светската фудбалска асоцијација (ФИФА) во Цирих, денес беа извлечени двојките за плејофот за пласман на Мундијалот 2026. Македонската репрезентација за ривал во полуфиналето ја доби репрезентацијата на Данска. Во евентуално финале, нашата репрезентација ќе игра со победникто од дуелот Чешка – Република Ирска, повторно на гостински терен.
Другите полуфинални двојки за европскиот бараж се:
Италија – Северна Ирска
Украина – Шведска
Турција – Романија
Велс – Босна и Херцеговина
Полска – Албанија
Словачка – Косово
Чешка – Република Ирска.
Полуфиналните натпревари се закажани за 26 март 2026 година. Пет дена подоцна (на 31 март) ќе се играат четирите финалиња по кои поуспешните репрезентации ќе обезбедат пласман на Светското првенство 2026.
Мундијалот идното лето ќе се игра во САД, Мексико и Канада.
