Македонски каратист ќе се бори за злато во Бразил!

Македонскиот каратист Вукашин Јовановиќ избори финале на Светската универзијада во Бразил. Членот на Макпетрол ќе се бори за златниот медал во категоријата до (-67кг).

Јовановиќ ноќеска во полуфиналната борба оствари победа над еден од фаворитите во категоријата, натпреварувачот од Иран, Вала Хосеин.

Со овој резултат Јовановиќ го обезбеди и второто одличје за македонската репрезентација, по вчерашната бронза на Стефан Стојановиќ.

Следни настапи македонските каратисти ги имаат во категоријата кумите екипно.