Македонските кошаркарки со една промена во составот за дуелот со Хрватска

Женската македонска кошаркарска репрезентација утре го игра третиот натпревар од квалификациите за Евробаскетот 2027 година. По двата домашни дуела со Данска и со Грција, избраничките на селекторот Александар Ашаданов и гостуваат на Хрватска.

Стручниот штаб се реши повторно за една промена во „ростерот“, па така меѓу 12-те кошаркарки се враќа Јана Пислевска. Во Скопје остана Теа Трајковска, која настапи на дуелот со Грција, како и Мартина Маркоска, која пак остана без настап на двата дуела.

По двете кола во групата „Ф“ сите четири репрезентации имаат по една победа и еден пораз. Македонските кошаркарки дуелот со Хрватска го играат во Славонски Брод, а почетокот е во 18 часот.