Манчестер Јунајтед го купи за 37 милиони фунти летово, но новиот тренер Аморим ќе му ја покаже излезната врата!

Новиот менаџер на Манчестер Јунајтед, Рубен Аморим ќе се ослободи од напаѓачот Џошуа Зиркзе, тврди „Тутоспорт“.

Зиркзе пристигна од Болоња за околу 37 милиони фунти на крајот на летото и потпиша договор за 5 сезони.

На 11 натпревари постигна само еден гол, а најчесто влегува од клупата за резерви.

Италијанското издание додава дека „црвените ѓаволи“ се подготвени да се разделат со играчот веќе во јануари и чекаат понуди за него.

Се верува дека Јувентус размислува за опција да го доведе, можеби на позајмица, но во секој случај изгледа дека играчот нема иднина на „Олд Трафорд“.