Манчини: Честитки за дебитантите, но сите одиграа голем натпревар против Турција

„Потребно е време, оваа вечер има значење до одредена точка. Момците го заслужија тоа, особено по она што беше кажано овие денови. Сум задоволен, одиграа одличен натпревар,“ – изјави селекторот на Италија, Роберто Манчини, по победата од 4-1 против Турција.

„Потребни ни се сите. Ова е долг пат. Ќе донесеме и други играчи и ќе разбереме кои можат да останат со нас до крајот. Освен победата, момчињата направија добри работи. Теренот беше многу тежок и беше нормално што Турција реагираше.

Дебитантите одиграа добро, честитки за нив. Се играше на терен каде што врнеше дожд цел ден. Заслугата е на сите, одиграа голем натпревар. Тимот играше добро и високо“.

За Распадори, Манчини објасни: „Имаше проблем и го заменивме на крајот од првото полувреме, за да избегнеме замена по пет минути“.

На конференцијата додаде: „Од петок ништо не се промени. Момците беа вешти. Имавме свежи и различни играчи. Кајоде и Фаџоли добро одиграа при дебито. Еден час игравме добро, потоа малку паднавме и реакцијата на Турција беше нормална. Фокусот треба да биде секогаш висок до 91-та минута. Ништо не е сигурно“.