Мурињо откри што се случи со Касиљас: Психички беше многу лошо, разглезени играчи…

Во новиот документарец на Мурињо на Нетфликс, португалскиот тренер отворено зборува за тешкиот однос со Икер Касиљас за време на неговиот прв престој во Реал Мадрид. Мурињо рече дека тимот беше многу силен, додека Касиљас беше „капитенот и најдобриот играч“, но психички беше „многу лошо“.

Тој се потсети на трите први разговори со голманот: „Првото нешто што ми рече беше: ‘Дојдов да барам повеќе одмор за играчите на репрезентацијата’. Потоа побара тренинзите да се одложат за еден час поради сообраќајот и, во третиот разговор, рече дека играчите претпочитаа да не остануваат во хотел пред натпреварите. Таму сфатив дека се разглезени.“

Ситуацијата се влоши по телефонскиот разговор на Касиљас со Чави за намалување на тензиите меѓу Реал и Барселона. Мурињо кажа: „Ова е единствениот класико Реал Мадрид-Барселона. Сега е војна…”

Потоа избувна и прашањето за „шпионите“ кои изнесуваа информации во медиумите. Мурињо призна дека во 2013 година беше изморен од играчите и печатот: „Сакав да си заминам. Почувствував дека сѐ заврши.“