Навивачите на Галатасарај во два часот наутро ги будеа фудбалерите на Ливерпул со пиротехника и огномет (ВИДЕО)
Фото: tv21m
Фудбалерите на Ливерпул имаа непријатно искуство во Истанбул во пресрет на вечерашниот натпревар од Лигата на шампиони против Галатасарај, кој е закажан за 21:00 часот.
Имено, навивачите на турскиот великан во текот на ноќта испукале огномет пред хотелот каде што е сместен тимот на Арне Слот, обидувајќи се да им го нарушат мирот пред важниот меч.
На социјалните мрежи се појавија снимки направени околу 2:00 часот по полноќ, на кои се гледа како небото над хотелот го осветлуваат ракети, проследени со оглушителни експлозии.
Целта била јасна — да се наруши сонот и одморот на фудбалерите на Ливерпул, меѓу кои се и големи ѕвезди како Мохамед Салах, Александер Исак и Флориан Вирц.
Galatasaray fans outside @LFC hotel 🏨🧨pic.twitter.com/FkxogNYXw0
— indykaila News (@indykaila) September 30, 2025
