Неверојатно, има само 18 години, а уште сега е повисок од повеќето НБА играчи (ВИДЕО)
Кошаркарскиот свет не престанува да зборува за нов феномен. Неговото име е Џонгкуч Мач, има само 18 години, а со својот неверојатен изглед и талент веќе го привлекува вниманието на најголемите светски скаути на престижниот кошаркарски камп во италијански Тревизо.
На неодамна одржаниот камп во Италија, каде што се собираат најголемите светски таленти за да се докажат пред скаути од НБА и Евролигата, едно име буквално и фигуративно се издвојуваше од останатите.
Младиот Мач, кошаркар поврзан со австралискиот систем за развој на играчи, го украде вниманието веднаш штом зачекори на паркетот.
Причината е едноставна – неговата неверојатна висина од 229 сантиметри! Иако има само 18 години, Мач веќе е повисок од сите активни играчи во најсилната кошаркарска лига во светот (НБА), надминувајќи ги дури и гигантите како Виктор Вембањама и Зак Иди.
Како што пренесува официјалната страница на австралиската НБЛ лига, Мач во Тревизо го привлекол вниманието на сите присутни. Но, она што најмногу ги охрабрува стручњаците не е само неговата висина, туку и фактот дека за своите физички предиспозиции покажува завидна подвижност, чувство за простор и техника на шут која не е вообичаена за играчи со таква висина.
Младите центри со вакви физички карактеристики обично се побавни и често имаат проблеми со координацијата, но Мач на теренот делува исклучително подвижно. Неговиот распон на рацете му овозможува со голема леснотија да го штити кошот, додека во нападот претставува речиси нерешлива енигма за противничките одбрани.
Скаутите веќе внимателно го следат неговиот развој. Пред него е долг пат на работа на физичката сила и приспособување на сениорската кошарка, но стручњаците се согласуваат дека, доколку го одминат повредите и продолжи да напредува со ова темпо, Џеј-Кеј Мач наскоро би можел да стане нова голема ѕвезда на светската кошарка и еден од најинтересните кандидати на претстојните НБА драфтови.
