Невиден скандал на ЕУРО 2024, обезбедувањето го повреди капитенот на Шпанија, ќе игра ли во финалето?! (ВИДЕО)

Шпанија се пласираше во финалето на Европското првенство победувајќи ја Франција со 2:1 (2:1), но селекторот Луис де ла Фуенте ќе има главоболка во пресрет на натпреварот против Англија или Холандија на 14 јули во Берлин.

Причина е бизарната повреда на Алваро Мората, капитенот и еден од неговите најважни играчи, за која не се виновни ниту фудбалерите на Франција, ниту самиот шпански напаѓач…

За се всушност е виновна лошата организација на турнирот, откако навивачите уште еднаш „упаднаа“ теренот на Алијанц Арена, додека во обид да ги заштити играчите, еден од работниците од обезбедувањето во таа прилика се лизна и го повреди Алваро Мората.

This can’t keep happening. It’s a disgrace, UEFA need to control it so much better. Somebody will get seriously hurt. 🤦‍♂️ #Euro2024 #Morata pic.twitter.com/Dp5KgEvq5h

— Ned Ozkasim (@nedoz9) July 9, 2024

Напаѓачот веднаш паднал на земја и се фатил за колено, а повеќе ќе се знае по деталните лекарски прегледи. Се подразбира колку би било несреќно Шпанија да биде без него за финалето на Европското првенство, особено на таков навистина невиден начин. Селекторот се обиде да ја спушти топката, рече дека „се ќе биде во ред“, додека другите играчи на Шпанија, кои разговараа со него и новинарите, објавија дека Мората рекол „го боли“.