Новиот тренер на Барселона е веќе во Каталонија, вечерал со Лапорта, следува потпис (ВИДЕО)

Бројни медиуми во Шпанија веќе неколку дена пишуваат дека празното место на клупата на Барселона ќе го заземе Ханси Флик, а се чини дека сагата е завршена и информацијата наскоро ќе биде официјализирана. Имено, Флик синоќа слета на аеродромот во Барселона и набрзо беше забележан од бројни медиуми во пресрет на вечерата што ја имаше со претседателот на каталонскиот клуб, Жоан Лапорта. Германскиот тренер на тој начин ги водеше последните разговори пред потпишувањето на договорот, кој, како што веќе соопштија бројни медиуми, ќе трае до 2026 година.

🔵🔴🇩🇪 Hansi Flick’s era at Barça has just started as he had dinner with Joan Laporta, Rafa Yuste and the board.

Contract until June 2026 to be signed tomorrow, as reported.

🎥 @victor_nahe pic.twitter.com/MPN8ZUnx9n

— Fabrizio Romano (@FabrizioRomano) May 28, 2024

Официјална прес-конференција нема да има, пренесува Мундо Депортиво и додава дека изјавите на поранешниот тренер на Баерн клубот ќе ги пренесе преку официјалната веб-страница. На клупата ќе го наследи Чави Ернандез, кој уште еднаш ја покажа љубовта кон клубот простувајќи му дури 12 милиони евра кои го следеа во случај на отказ.