Од Роналдо до Барселона, Жоао Феликс сака враќање во Европа: Ми недостига Лигата на шампионите, еве кој го заслужува Златната топка

Саудиска Арабија му ја врати довербата и му даде континуирана шанса за игра, но Жоао Феликс не смета дека неговото време во елитниот европски фудбал е завршено. Португалскиот напаѓач, зборуваше за весникот „АС“ за неговите планови.

„Размислувам за враќање во Европа, иако можеби не веднаш. Не знам дали ќе биде на крајот од оваа сезона или следната, но сакам да се вратам. Да играш во Европа, да играш во Лигата на шампионите и со најдобрите екипи во светот, дава дополнителна мотивација“, изјави Феликс.

Португалецот додава дека се чувствува променет од искуството во Ал Наср: „Се чувствувам како подобар играч; играта и различните моменти од натпреварот ги разбирам подобро. Сега се чувствувам многу позрело.“

Споделувањето на ангажманите и во клубот и во репрезентацијата со Кристијано Роналдо исто така било клучно: „Тоа е нешто што малкумина во светот на фудбалот можат да го кажат дека го направиле. Тоа е чест. Сме растеле гледајќи го Кристијано како наш идол, како пример за следење.“

Португалскиот играч чува посебно сеќавање за Барселона: „Самото тоа што играв за Барселона ме направи многу среќен. Тоа беше детска сон за мене, за татко ми и за брат ми.“

Тој нема никакви жалења ни за периодот во Атлетико Мадрид, сметајќи го тоа искуство како важно за неговиот личен раст. Најново, Феликс го издвоил Ламин Јамал како негов фаворит за „Златната топка“.

„Секогаш сум мислел дека „Златната топка“ треба да оди кај играчот кој те тера да кажеш „Вау“. Ако има играч кој те држи залепен за екранот, тоа е Ламин. Иако е вистина дека Мбапе и Кејн имаа одлични сезони, Ламин е фудбалот“, рече Феликс.