Освои Премиер лига со Лестер, се повлече на 39 години, а сега вели: Јас сум Убер возач со полно работно време

Поранешниот дански голман Каспер Шмајхел, кој се повлече од фудбалот на 39-годишна возраст, сега води сосема поинаков живот од времето кога беше професионален играч. Далеку од зелените терени и проблемите од фудбалот.

Од минатиот февруари, Каспер Шмајхел се соочува со сериозна повреда на рамото: „Имам проблеми со бицепсот и ротаторната манжетна. Сѐ е скинато,“ објасни тој среде март за време на интервју.

Тоа беше тежок удар што бараше две операции и на крајот го примора да се повлече од играта на 39-годишна возраст, откако влезе во историјата како херојскиот голман на Лестер на Раниери, кој ја освои Премиер лигата во 2016 година.

Се повлече на крајот од мај минатата година, но каков живот води денес Каспер Шмајхел? Поранешниот дански играч зборуваше за неговата нова рутина далеку од професионалниот фудбал и како го минува времето во оваа нова фаза.

„Имам три деца. Во суштина, јас сум возач на Убер со полно работно време. Тоа е чуден трансфер и не бев подготвен за тоа. Животот носи вакви работи и јас се прилагодувам,“ призна Каспер Шмајхел.

Сепак, тој има сон за иднината. „Следам неколку курсеви, работам на телевизија и ги носам децата насекаде. Подоцна, би сакал да станам фудбалски тренер или да преземам поважна улога. Страста е сѐ уште жива,“ рече тој.

„Кога сум на теренот, тренирам или помагам на млади ветувачки играчи, навистина уживам. Цел живот сум навикнат на очекувањата да дадам максимум и тоа ме мотивираше. Сега, преку ноќ, сето тоа исчезна и морам да ја заменам таа доза допамин,“ потврди поранешниот дански голман.