Пио Еспозито: Целта во Интер е никогаш да не се задоволиме со она што сме го постигнале

Напаѓачот на Интер, Франческо Пио Еспозито, зборуваше за „Скај Спорт“ за очекувањата за новата сезона и продолжувањето на договорот: „Минатата сезона ги надминавме очекувањата. Дојдов од Серија Б и сум многу задоволен со начинот на кој помина мојата прва сезона во Интер“.

За целите на новата сезона рече: „Целта е никогаш да не се задоволиме со она што сме го постигнале, да не се сопреме и да се подобруваме постојано, како во статистиките, така и како фудбалери“. Во врска со продолжувањето на договорот: „Сум многу спокоен. Се чувствувам одлично тука во Интер. За ова прашање се грижи мојот агент заедно со клубот, без никаков проблем“.

За подготвителната фаза изјави: „Работиме многу. Натпреварите со Милан и Јувентус ќе бидат важни тестови. Дербито секогаш е посебно, така што, иако е пријателска, ќе го играме сериозно“.

Што се однесува до целите на Интер, подвлече: „Ние сме силен тим и ќе играме за да победуваме и во новата сезона“. Додека за италијанската репрезентација рече: „Најпрво сакам да ги покажам моите вредности со клубот, потоа се надевам дека ќе имам можност да се докажам и со Италија, бидејќи синиот дрес има големо значење за мене“.