Почина Хорхе Меси, таткото на Лео, на 68-годишна возраст

Тага во светот на фудбалот. Хорхе Меси, таткото на Лионел Меси, почина на 68-годишна возраст во Росарио, според „Инфобае“, на која се повикува „катионската „Спорт“ и „престижната „Марка“. Смртта се случила оваа петка, во една здравствена установа во аргентинскиот град, по долга борба со здравствени проблеми.

Фигурата на Хорхе Меси беше тесно поврзана со развојот на кариерата на неговиот син уште од кога Лионел беше дете. Всушност, Хорхе го придружуваше лично Лионел во првите месеци од неговата авантура во Барселона, додека останатиот дел од семејството остана во Росарио. Таткото беше покрај него и стана главна поддршка во еден особено тежок период, кога тој сѐ уште беше далеку од тоа да стане светската ѕвезда во која се претвори подоцна.

Со текот на годините, Хорхе исто така одигра суштинска улога во управувањето со професионалната кариера на Меси. Секогаш далеку од медиумското внимание, тој се занимаваше со голем дел од прашањата поврзани со претставувањето на неговиот син и беше присутен на многу важни моменти во кариерата на осумкратниот добитник на „Златната топка“. Во тој контекст, влијанието на Хорхе во кариерата на аргентинскиот напаѓач беше постојано, од првите чекори до консолидацијата меѓу најголемите имиња во фудбалот.

Здравствената состојба на Хорхе Меси претходно предизвика вознемиреност и за време на Светското првенство 2026. Лионел Меси призна за време на турнирот дека поминува тешки денови поради семејни причини и потоа стана јасно дека татко му е под медицинска грижа.