Почина маратонката од ОИ во Париз која беше полеана со бензин и запалена од нејзиното момче

Ужасна вест, почина олимписката маратонка Ребека Чептегеи од Уганда , која неодамна се натпреваруваше на Олимпијадата во Париз. Триесет и три годишната Чептегеи била убиена од нејзиното момче во неговиот стан така што ја полил со бензин и ја запалил.

Very sad news.

Olympic athlete Rebecca Cheptegei has died days after being doused in petrol and set on fire by a former boyfriend, a Ugandan official says. pic.twitter.com/4J3gMekJTU

— BBC Sport (@BBCSport) September 5, 2024

Во неделата Чептегеј беше хоспитализирана со тешки изгореници на 80 отсто од телото, а утрово беше објавено дека им подлегнала на повредите.

„Со длабока тага известуваме дека нашата атлетичарка Ребека Чептегеи, која трагично стана жртва на семејно насилство, почина рано утрово. Како федерација ги осудуваме ваквите дела и повикуваме на правда. Нека почива нејзината душа во мир“, соопшти Олимпискиот комитет на Уганда.

Инаку, Чептегеи го зазеде 44. место на маратонската трка на Олимписките игри во Париз, постигнувајќи го својот најдобар резултат во сезоната од 2:32.14. Таа, исто така, освои злато на Светското првенство во планинско и трчање во 2022 година во Чианг Маи, Тајланд.