Расте поддршката, се бара Ирска да го бојкотира мечот со Израел во Лигата на нации!

Повеќе познатите ирски личности од светот на забавата се приклучија на повикот за бојкот на фудбалските натпревари против Израел, што Ирска треба да ги игра оваа есен во рамки на Лигата на нации на УЕФА, поради конфликтот во Појасот Газа, каде што, според нив, израелската страна врши геноцид врз локалните Палестинци.

Групата наречена „Ирски спорт за Палестина“ ја обвини израелската страна за кршење на статутите на УЕФА и ФИФА, наспоменувајќи дека во испитувањето на јавното мислење, дури 93 проценти од членовите на Фудбалската асоцијација на Ирска (ФАИ) минатиот ноември го повикаа своето раководство да побара од УЕФА да го суспендира Израел. Дури 76 проценти од анкетираните навивачи на ирската репрезентација се против играње на тие натпревари.

Писмото насловено „Стоп на играта“ го потпишаа Лигата на ирски играчи, поранешниот селектор на Ирска, Брајан Кер, како и членовите на рок-групата „Фонтејнс Д.Ц.“, пејачот Кристи Мур, актерот Стивен Ри и многу други.

Писмото беше придружено со изјава од капитенот на прволигашот Шамрок Роверс и претседател на Здружението на ирски професионални фудбалери, Роберт Лопес, во која се вели:

„Не можеме да ја игнорираме хуманитарната катастрофа во Палестина, чистата загуба на животи таму мора да има предност пред сите спортски размислувања. Ирска има можност тука да води и да го прави она што другите не го сакаат“, напиша Лопес, кој е роден во Даблин, но игра за репрезентацијата на Зеленортските острови со која ќе настапи на претстојното Светско првенство.