Реал Мадрид е светски првак (ВИДЕО)

Реал Мадрид вечерва во Лусаил (Катар) ја совлада Пачука од Мексико во финалето на Интерконтиненталниот куп со 3:0.

Головите за актуелниот европски шампион ги постигнаа Килијан Мбапе, Родриго и Винисиус Жуниор.

„Кралевите“ станаа 4-кратни освојувачи на трофејот и поставија рекорд.

Милан, Бока Јуниорс, Пенарол и Национал (Уругвај) по три пати го освоија Интерконтиненталниот куп.

Во Интерконтиненталниот куп учествуваат победниците на главните клупски континентални натпреварувања.