Реал Мадрид објави: Добредојде Мурињо (ФОТО)

Португалскиот стратег Жозе Мурињо е нов тренер на Реал Мадрид, со кого потпиша тригодишен договор, објави вечерва шпанскиот фудбалски гигант. Мурињо се враќа на клупата на Кралскиот клуб со кој еднаш ја освои историската титула во Ла Лига со рекорден број бодови, воедно последна во досегашната негова тренерска кариера.

„Жозе Мурињо ќе му се приклучи на Реал Мадрид на 13 јули, денот кога започнуваат подготовките за новата сезона“, се вели во официјалното соопштение на клубот. Измината сезона, Реал заврши второпласиран во шпанското првенство, а во Лигата на шампиони беше елиминиран во четвртфиналето. За мадридскиот гигант тоа беше втора сезона по ред без освоен трофеј.