Реал Мадрид подготвува 100 милиони евра за засилување во одбраната!

И покрај постојаните засилувања во последните две години, Реал Мадрид сè уште не наоѓа мир во одбраната, којашто и оваа сезона покажува многу слабости.

Во оваа ситуација, раководството на мадридскиот клуб размислува за трансфер пазарот, а според Caught Offside, главната цел на „кралевите“ за идното лето ќе биде Рикардо Калафиори.

Италијанецот од Арсенал, кој може да игра и како централен одбранбен играч, и како лев бек, се наоѓа во најдобриот момент од својата кариера и интересот за него од други клубови е многу голем.

24-годишниот играч се смета за идеален профил за зајакнување на одбраната, но Реал Мадрид нема да го има лесно во трансферот на овој играч. Тој има договор со лондонскиот клуб до 2029 година. Минималната цена за неговиот трансфер се проценува на 100 милиони евра.