Реал Мадрид подготвува 60 милиони евра за „полифункционален“ дефанзивец на Баерн Минхен

Иако е само почеток на септември и само што заврши летниот преоден рок, првите гласини за развој во јануарскиот преоден рок веќе започнаа.

Caught Offside открива дека „полифункционалниот“ дефанзивец на Баерн Минхен, Јосип Станишиќ е на радарот на неколку големи клубови, но најзаинтересиран за него е Реал Мадрид.

Бернабеу Дигитал оди уште понатаму велејќи дека раководството на Реал Мадрид е подготвено да понуди до 60 милиони евра за 26-годишниот хрват, кој може да игра на двата бока од одбраната, во центарот на одбраната како и во средниот ред.

Станишиќ е под договор со баварскиот клуб до 2029 година.