Регионот во шок, на 47 години почина еден од најпрепознатливите кошаркарски коментатори

Повеќе босански медиуми објавија трагична вест дека на 47 години почина еден од најпрепознатливите кошаркарски коментатори Един Авдиќ, кој беше познат во целиот регион. Причините за смртта засега не се познати, но љубителите на кошарката во неверување се простуваат од него.

Един е роден на 19 јуни 1979 година во Сараево.

Тој беше еден од најпознатите спортски новинари, коментатори и колумнисти на Балканот, дефинитивно најпознат по неговото известување за кошаркарски натпревари и деталното познавање на НБА и европската кошарка. Дипломирал новинарство на Факултетот за политички науки во Сараево, а пред својата новинарска кариера активно се занимавал со кошарка во младинските тимови на КК Босна.

Ја започна својата кариера во Федералната телевизија, потоа работеше во OBN, каде што стекна голема популарност како коментатор за НБА лигата, а потоа стана едно од лицата на телевизијата Арена Спорт. Познат е по својот енергичен стил на коментирање, експертските анализи и колумните за кошарката кои со години се меѓу најчитаните во регионот.

Неодамна, заедно со својот колега Милош Јовановиќ, го водеше популарниот подкаст „Udvajanje“,  како и сопствената емисија „X&O’s chat“ на Телевизија Уна.

Благодарение на своето знаење, харизма и автентичен пристап, Авдиќ се смета за еден од најпрепознатливите и најпочитуваните спортски коментатори во земјите од екс Југославија.