Ришарлисон против претседателскиот кандидат на Бразил, Болсонаро: Ми го зеде островот

Покрај проблемите на теренот, напаѓачот на Тотенхем, Ришарлисон, е вклучен и во сериозен случај надвор од него. Фудбалерот јавно го обвини сенаторот Флавио Болсонаро, кандидат за претседател на Бразил, дека му го одзел приватниот остров без да плати ни цент. Тој побара од полицијата да го расветли случајот.

Според Ришарлисон, островот во Ангра дос Реис, близу брегот на Рио де Жанеиро, бил купен меѓу 2020 и 2021 година. Фудбалерот тврди дека одбил да му ја продаде сопственоста на Болсонаро.

„Бидејќи одбив, овие луѓе се обидоа да ја искористат ситуацијата на суд. Процедурите за легализација на сопственоста можат да траат месеци, дури и години,“ изјави тој.

Ришарлисон тврди дека Болсонаро и Вилер Томаз го зеле островот за 24 часа, без да платат ништо. „Инвестирал сум околу 10 милиони реали и не добив ништо за возврат,“ нагласи напаѓачот, повикувајќи на истрага на преносот на сопственоста и на фондовите инвестирани. Тој ги повика своите следбеници и јавно да го бараат од Болсонаро да даде одговори.