Роналдињо и Кафу покажаа големина, се враќаат на теренот за помош на настраданите

Легендарните бразилски фудбалери Роналдињо и Кафу организираат хуманитарен натпревар за собирање средства за настраданите од поплавите во тамошниот регион Рио Гранде до Сул. Бразилскиот регион Рио Гранде до Сул остана пуст по страшните поплави кои однесоа многу животи и предизвикаа голема материјална штета од која Бразилците нема да се опорават долго време.

💪 Ronaldinho y Cafú se unen contra las inundaciones

🔝 Las dos leyendas estarán presentes en un partido solidario en el que los fondos serán donados a los afectados por las inundaciones de la región de Río Grande do Sul

✍️ @maarcosdlbhttps://t.co/giVHBucZIC

— Diario AS (@diarioas) May 22, 2024

Временската катастрофа ќе остане запаметена како една од најразорните во историјата на Бразил. Трагедијата го обедини и фудбалскиот свет во Бразил, па екипите од тој регион Гремио и Интернасионал ги ставија своите стадиони на располагање на настраданото население. Дел од фудбалерите излегоа и на улица за да им помогнат на оние на кои тоа им е најпотребно. Уште еден чекор што го презедоа фудбалерите е организирање на хуманитарен натпревар на кој сите собрани средства ќе бидат наменети за настраданите од оваа катастрофа.

Натпреварот е во организација на Глобо, а први одговорија фудбалските гиганти Роналдињо и Кафу.

„Имавме можност да го кренеме пехарот на светскиот шампион, а сега ќе го кренеме и пехарот за солидарност. Да им помогнеме на нашите браќа од Рио Гранде до Сул во овој тежок момент“, рече Кафу.

Натпреварот ќе се игра на легендарната Маракана и ќе се пренесува на бројни светски канали. Цената на билетот ќе изнесува симболични 30 реали или 5,5 евра. Фудбалот во Бразил беше целосно запрен по големата трагедија, па сите фудбалери имаат време да одговорат на една ваква убава иницијатива.