Се сметам за привилегиран, поранешниот напаѓач на Барселона кој никогаш не стана голем, ги закачи копачките на клин

Поранешниот напаѓач на Барселона, крилниот играч Кристијан Тело, се повлече од фудбалот на возраст од 35 години, по 16 години професионална кариера. Тело ја објави својата одлука преку видео на неговите социјални мрежи.

„Денес е еден од оние тешки денови за секој играч. Време е да се каже збогум на професионалниот фудбал. Никогаш не би можел да замислам дека ќе имам можност да уживам во тоа што го сакам на највисоко ниво 16 години.

Се сметам за навистина привилегиран. Започнува ново поглавје, поинакво во мојот живот, без таа желба за натпреварување, но со истата среќа“, рече Тело.

Во 86 настапи за Каталонците, постигна 20 гола, освојувајќи ја Ла Лигата, Купот на Кралот и Суперкупот на Шпанија пред неговото време на „Камп Ноу“ да заврши во 2014 година. Првично се сметаше за млад ѕвезда со голема иднина, но Тело имаше големи потешкотии да го пронајде своето место во Барселона од тие години, која беше најдобриот клуб во светот.

Потоа започнаа позајмуванијата и трансферите во различни тимови и првенства. Како последно, Тело беше дел од Палм Сити, во Обединетите Арапски Емирати.