Се цртаат паровите за нокаут фазата на Светското првенство, еве кој против кого би можел да игра (ФОТО)
Светското првенство во САД, Мексико и Канада влегува во самата завршница на групната фаза и полека се „исцртува“ костурот на нокаут фазата. Официјално, 13 екипи се пласираа понатаму, седум се отпишани, но кога ќе се подвлече линија може да се каже дека практично се познати 20 од 32 учесници во нокаут фазата.
Поради тоа полека почнаа да се прават калкулации и веќе знаеме прв официјален пар Канада – Јужна Африка, речиси сигурно е и дека ќе видиме дуел Босна и Херцеговина – САД, додека сега излегоа и првите предвидувања како ќе изгледа остатокот од костурот.
🇿🇦 South Africa v Canada 🇨🇦 is the first confirmed pair in R32!
Group A replaced Group C in projected bracket, which created a shift in the pairings.
🇰🇷 South Korea now to face G1 (proj. 🇪🇬 Egypt), which made I3 (proj. 🇸🇳 Senegal) switch to the other side to face 🇲🇽 Mexico!
— Football Meets Data (@fmeetsdata) June 25, 2026
Кои се најверојатните парови во нокаут фазата?
Завршени се натпреварите во групите А, Б и Ц и до крајот на неделата ќе бидат комплетирани и останатите девет групи, а најголемата дилема е околу пласманот на третопласираните. Тие оставаат најмногу простор за „машта“ и во овој момент не е можно точно да се погодат сите резултати, особено затоа што во случајот на Јужна Африка и Јужна Кореја видовме дека изненадувања се сосема можни.
Сепак, ако сè се одвива според очекувањата, ова би биле паровите во осминафиналето, според „суперкомпјутерот“:
- Јужна Африка – Канада
- Холандија – Мароко
- Германија – Парагвај
- Франција – Шведска
- Португалија – Хрватска
- Шпанија – Австрија
- САД – Босна и Херцеговина
- Египет – Јужна Кореја
- Бразил – Јапонија
- Брегот на Слоновата Коска – Норвешка
- Мексико – Сенегал
- Англија – ДР Конго
- Аргентина – Зеленортски Острови
- Австралија – Белгија
- Швајцарија – Алжир
- Колумбија – Гана
И уште еднаш напомена, ова не се официјални парови — само Јужна Африка – Канада и САД – БиХ засега се потврдени.
