Се врати НБА, Бостон со рекорден број уфрлени тројки!

 Со два натпревара одиграни ноќта вторник кон среда почна сезоната 2024/25 во најсилната кошаркарска лига на светот – НБА.

Бранителот на трофејот, тимот на Бостон селтикс забележа убедлив триумф над Њујорк никс со 132:109. Селтикси со 29 тројки го израмнија рекордот на Милвоки Бакс од 2020 година, а осум погоди Џејсон Тејтум, кој натпреварот го заврши со дури 37 поени со 4 скока и 10 асистенции. Дерик Вајт додаде 24, а Џејлен Браун 23 поени.

На другиот натпревар, Лос Анџелес лејкерс ја совлада Минесота тимбервулвс со 110:103. Ентони Дејвис се истакна во победничкиот состав со дабл-дабл учинок (36 поени и 16 скокови).

Во тимот на Лејкерс, 39-годишниот Леброн Џејмс и неговиот 20-годишен син Брони Џејмс се појавија на теренот заедно во втората четвртина и станаа првото дуо татко-син во историјата на НБА.