Што се случува со Манчестер Сити? Oва прв пат му се случува на англиски шампион од 1956-та (ФОТО)

Кризата, барем резултатската во Манчестер Сити се продлабочува. Тимот на Пеп Гвардиола со поразот од 4:0 на домашен терен од Тотенхем го забележа петтиот последователен пораз во сите мечеви. Црната серија почна точно пред еден месец токму од Тотенхем во Карабао купот кога загубија со 2:1. Неколку дена подоцна гостуваа на Бурнмаут во Премиер лигата, но и таму се поразени со идентични 2:1.  Следуваше убедливиот пораз во ЛШ од Спортинг Лисабон од 4:1, па нов пораз од Брајтон од 2:1 во Премиер лигата. По ова имаше репрезентативна пауза, Пеп Гвардиола потпиша нов договор и се чинеше дека паузата ќе биде добра за излез од резултатската криза. Сепак, синоќа нов шок, на домашен терен убедлив пораз од Тотехем со 4:0.

Откако се архивираат и забележуваат резултатите во Премиер лигата, ова е прв пат актуелеш шампион да забележи пет порази во низа во сите натпреварувања. Последен пат тоа се случило во далечната 1956 година, во месец март, кога ист број порази забележал Челзи.

5 – Manchester City are the first reigning top-flight champions to lose five games in a row in all competitions since Chelsea in March 1956. Unbelievable. pic.twitter.com/iwhPdDRoFC

— OptaJoe (@OptaJoe) November 23, 2024