Со позитивна атмосфера на лицата, репрезентативците отпатуваа во Љубљана (ФОТО)

Македонската фудбалска репрезентација попладнево од скопскиот аеродром отпатува во Љубљана каде утре вечер со почеток во 20:45 часот ќе го одигра вториот дуел од Б-Дивизијата од Лигата на нации. Првиот меч заврши со убедлив пораз во Скопје од 0:3 од Швајцарија, со лоша игра на избраниците на Гоце Седлоски, но сепак играчите отпатуваа со позитивна атмосфера и насмевки на лицата во Љубљана.

По овој меч, тие повторно ќе се вратат во Скопје, каде на 3-ти октомври ги очекува натпревар против Шкотска, а овој „прозорец“ се завршува со гостување на Швајцарија на 6-ти октомври.