Тежок удар за ПСЖ, стартерот во одбраната повреден и ќе отсуствува неколку недели

ПСЖ загуби клучен играч пред дуелот со Барселона во Лигата на шампионите. Нуно Мендеш нема да биде на располагање на Луис Енрике за натпреварот што ќе се одигра во вторник навечер на “Паркот на Принцовите”, средба од третото коло на ова натпреварување.

Португалскиот бранител се повреди за време на победата на ПСЖ во гости против Страсбург, во рамките на Лига 1. Откако влезе во игра во 53-та минута, Мендеш беше приморан да ја напушти теренот кон крајот на натпреварот и директно се упати кон соблекувалните, оставајќи ги соиграчите со играч помалку.

Медицинските прегледи ги потврдија почетните сомневања: 24-годишниот фудбалер има повреда на левото бедро, а клубот објави дека тој нема да биде достапен “неколку следни недели”. Ова е особено непријатна вест за Парижаните.

Отсуството на Мендеш создава дилема на левата страна за Луис Енрике, кој сега треба да разгледа различни опции. Лукас Ернандес и Лукас Бералдо се најприродните замени, иако ниту еден од нив не ги убеди досега оваа сезона.