Тренерот брутално искрен, Нејмар нема да биде регистриран-Не е на ниво на кое сме навикнале да го гледаме!

Се чини дека деновите на Нејмар во Ал-Хилал се избројани откако тренерот на тимот, Жорже Жесус изјави дека Бразилецот повеќе не е играч каков што беше.

-Нејмар е од светска класа, но физички веќе не може да настапи на нивото на кое сме навикнати да го гледаме, коментира тренерот.

Тој додаде дека 32-годишниот Бразилец нема да биде вклучен во натпреварите на тимот во азиската Лига на шампиони.

Нејмар се уште нема играно во сезоната на првенството во Саудиска Арабија бидејќи постојано е повреден.

Во исто време се шпекулира дека тој преговара за трансфер во американскиот Чикаго Фајр.