Тројца во игра, ова се кандидатите за нов тренер на Рома

Раководството на Рома сака да назначи Италијанец за главен тренер на тимот, а главни кандидати се актуелниот тренер на Реал Мадрид, Карло Анчелоти, поранешниот стратег на Јувентус Масимилијано Алегри и селекторот на турската репрезентација и поранешен напаѓач на римскиот прволигаш Винченцо Монтела, објави денеска новинарот Анџело Манџианте.

Новиот тренер на Рома ќе биде назначен по завршувањето на сезоната. Дотогаш, на оваа позиција ќе биде Клаудио Раниери, кој привремено седна на клупата по отказот на Иван Јуриќ, и по завршувањето на сезоната ќе добие раководно место во клубот.

По 15 кола Рома е на 11. место во италијанската Серија А со 16 бодови.