Турски судија ќе му дели правда на Вардар на првиот европски предизвик

Кадир Саглам од Турција е назначен за главен судија на првиот натпревар од првото квалификациско коло во Лигата на шампионите меѓу Вардар и финскиот Купс.

Првиот дуел ќе се игра на 7 јули на Арената „Тодор Проески“ во Скопје, со почеток во 19 часот.

Реваншот е закажан за 14 јули во Финска, од 17 часот по македонско време, а правдата ќе ја дели шкотска судиска екипа предводена од Метју Макдермид.

Вардар денеска ќе дознае со кого ќе игра доколку го мине Купс.