ВАР-судија е под истрага бидејќи покажал расистички симбол за време на телевизискиот пренос од натпреварот меѓу Германија и Курасао (ВИДЕО)

ФИФА покрена истрага против ВАР-судијата на натпреварот меѓу Германија и Курасао на Светското првенство, поради покажување расистички симбол за време на телевизиски пренос во живо.

🚨LAMENTABLE🚨

La comisión de árbitros de FIFA seguramente no pasará por alto el gesto del árbitro VAR australiano Jhon Evans.

Muchos señalan que es un simbolo de Supremacía Blanca. 👌

Seguramente no lo veremos más en juegos del mundial. pic.twitter.com/JDE1acNVih

— El Cantante Guerrero (@cantantearbitro) June 15, 2026

Пред почетокот на натпреварот, во телевизискиот пренос беше прикажана ВАР-собата, во која се наоѓаа тројца судии. Нивна задача беше неколку секунди да позираат додека на екранот се појавуваше графика со нивните имиња.

Во моментот кога камерата ја прикажа внатрешноста на ВАР-собата, Австралиецот Шон Еванс со десната рака направил превртен гест „ОК“, кој се поврзува со групи што застапуваат бела надмоќ.

Иако знакот „ОК“ вообичаено се користи како потврда и е популарен емотикон, неговото покажување под половината, на начинот на кој го направил Еванс, во одредени контексти се смета за расистички потег.

Australian Shaun Evans just pulled the move of all moves from the VAR room at the World Cup pic.twitter.com/0HK0dWrE11

— Matt Vandenberg (@M1D3V) June 15, 2026

Во 2019 година овој симбол станал „популарна трол-тактика“ кај поединци со десничарски убедувања, кои често објавуваат фотографии со тој гест на социјалните мрежи.

Со оглед на тоа што ФИФА има политика на нулта толеранција кон расизмот, на 38-годишниот Еванс му се заканува отстранување од турнирот доколку се утврди дека навистина имал намера да покаже симбол на белечка надмоќ.