Вардар вечерва против Лозана, ќе ја брани предноста од Скопје!

Македонскиот претставник во Конференциската лига на УЕФА, Вардар вечерва го игра реванш дуелот од второто квалификациско коло. „Црвено-црните“ за ривал ја имаат екипата на Лозана, а имаат и предност од 2:1 од првиот дуел одигран во Скопје.

– Одиграно е само едно полувреме. Мораме да бидеме фокусирани и да ги искористиме шансите. Што се однесува до вештачката трева, ние сме подготвени на се. Трениравме на неа, вештачки терен имаме во нашата база. Тоа воопшто не е тема за нас. Ние гледаме да одиграме како што знаеме и умееме, како што покажавме и во Скопје. Посакувам добар натпревар, па нека победи подобриот, изјави тренерот на Вардар Гоце Седлоски.

Горан Закариќ е со тимот, а Седлоски по тренингот ќе реши за составот. Инаку, за очекување е Вардар да има и поддршка од трибините од големиот број Македонци кои живеат и работат во Швајцарија.

Натпреварот Лозана – Вардар се игра вечерва со почеток во 20:15 часот.