Вечерва „Дерби дела Мадонина“ во Ријад, Интер против Милан!

Од 20 часот во финалето на италијанскиот Суперкуп се среќаваат Интер и Милан. Двата гиганти од градот Милано ќе се соочат во Кингд Арената во Ријад, Саудиска Арабија, градот кој беше домаќин и на полуфиналето. Милан има можност да се израмни со големиот ривал по бројот на Суперкупови. Интер има 8, додека Росонерите освоија 7.

Во полуфиналето, Интер ја победи Аталанта со 2-0, додека Милан го победи Јувентус со 2-1. Црно-сините вечерва стартуваат како фаворити. Тимот на Инзаги е во одлична форма, со пет последователни победи. На тие пет натпревари Интер не прими ниту еден гол. Дури и тие од Милан немаат пораз на последните 5 натпревари, на кои 3 пати победиле и 2 пати ремизирале. Интер е во нешто подобра позиција на табелата во Серија А. Ланскиот шампион е на третото место со 40 бодови, четири помалку од лидерот Наполи. Од друга страна, Милан е на осмото место со 27 бодови. Вреди да се напомене дека единствениот пораз сезонава Интер го доживеа токму од Милан во Серија А.