Заврши ерата на Дидие Дешамп, почнува на Зинедин Зидан!

По 14 години на кормилото на француската репрезентација и бројните успеси, легендарниот Дидие Дешамп се простува од клупата на Триколорите.

Дешамп уште во јануари најави дека Светското првенство 2026 ќе му биде последното натпреварување, а неговата голема ера официјално завршува со натпреварот за третото место, откако Франција во полуфиналето беше поразена од Шпанија (2:0).

Негов наследник на клупата ќе биде уште еден легендарен Французин – Зинедин Зидан.

🚨🇫🇷 OFFICIAL: Didier Deschamps’ cycle as France head coach comes to an end. It’s over. 👋🏼

Last game for the 3rd and 4th place then his goodbye… and the start of Zinedine Zidane era. pic.twitter.com/d3UIAOcEEd

— Fabrizio Romano (@FabrizioRomano) July 14, 2026

Дешамп влезе во историјата и како апсолутен владетел на светските првенства. Оствари дури 21 победа како селектор на светските првенства, што е најмногу во историјата на фудбалот.

На ова првенство тој го надмина легендарниот Хелмут Шен (25) и стана селектор со најмногу водени натпревари на Мундијалите, а по претстојниот натпревар за бронза ќе има вкупно 27.

Како селектор на Франција, на 186 натпревари оствари 122 победи, 32 нерешени резултати и 32 порази, а го освои Светското првенство во 2018 година и Лигата на нации во 2021 година, како и сребрени медали на Светското првенство во 2022 година и Европското првенство во 2016 година, а ќе видиме дали ќе стигне до бронзата на овогодинешното Светско првенство.

Наследникот на Дешамп, Зидан, во тренерската кариера го водеше Реал Мадрид во два наврати и освои вкупно три Лиги на шампиони. Од 2021 година е на пауза и секогаш јасно истакнуваше дека тренерската кариера единствено ќе ја продолжи на клупата на Франција.

Конечно ја дочека својата можност, а ќе видиме дали ќе може да продолжи да чекори по стапките на Дешамп.