Агуеро првпат се појави во јавноста по срцевата аритмија

Аргентинскиот напаѓач Серхио Агуеро за прв пат се појави во јавноста по срцевите компликации кои ги доживеа на почетокот на ноември.

Агуеро тешко дише при ремито против Алавес (1:1) и мораше да ја напушти играта. Завршил во болница, а наводно била донесена одлука да стави крај на кариерата, иако допрва треба официјално да ја објави.

Сега напаѓачот на Барселона за прв пат и се обрати на јавноста откако пред околу еден месец доживеа срцева аритмија.

„Нема да зборувам многу за тоа. Веќе знаете дека ми оди добро и сакав да им се заблагодарам на сите за поддршката што ја добив на социјалните мрежи, во сите формати. Многу луѓе ми пишаа и затоа сакам да благодарам сега. Нема да зборувам многу на оваа тема, само ќе уживам во натпреварите на мојот еСпорт тим. Ви благодариме за поддршката“, изјави поранешниот играч на Манчестер Сити.

33-годишниот играч треба да се појави на заедничка прес-конференција со неговиот клуб за да го открие акциониот план во врска со неговата кариера, иако датумот на прес-конференција допрва треба да биде одреден.

https://youtu.be/-uOOwurYSIg

За Кун авантурата на Ноу Камп оди од горе до долу бидејќи имаше неколкунеделна пауза поради повреда на листот, па успеа да забележи само четири настапи и да постигне еден гол.

Искусниот напаѓач летово ја засили Барселона кога дојде како слободен играч од Манчестер Сити, а токму во англискиот клуб Агуеро играше најдолго и остави најголема трага.

Пред Сити, тој играше пет години во Атлетико Мадрид, а кариерата ја започна во аргентинскиот Индепендиенте. Со оглед на неговата одлична техника и чувство за гол, нема сомнеж дека тој е еден од најдобрите напаѓачи во својата генерација.