Ајакс загуби клучни играчи, жали и Србија

Коронавирусот го мачи фудбалот, а голем број луѓе се заразени и во Ајакс.

Холандските медиуми пренесуваат дека има многу заразени фудбалери во првиот тим на Ајакс кои ќе го пропуштат натпреварот против дански Миттиланд.

Меѓу заразените фудбалери е и Душан Тадиќ, еден од клучните играчи, но и неколку други навистина важни членови на холандскиот шампион.

Во Србија исто така се загрижени, бидејќи за 10 дена ќе се игра натпревар против Шкотска во финалето од баражот за излез на Европско првенство.