Аморим: Сакаме да победуваме на секој натпревар!

Тренерот на Милан, Рубен Аморим, во интервју за DAZN, го истакна победничкиот менталитет на екипата: „Сакаме да победуваме на секој натпревар. Тоа е мојата цел секој пат кога започнува неделата. Кога ќе излеземе на терен, имаме одговорност да победиме, но исто така и да се обидеме да играме убав фудбал“.

За трансферите, Португалецот рече дека е задоволен од работата на клубот: „Од првиот ден чувствувам дека работиме заедно. Се обидуваме да му помогнеме на клубот не само за сегашноста, туку и за иднината. Доведуваме играчи подготвени како Рамос, европски шампион, но и таленти како Мореира. Сум навистина задоволен, но треба да ги подобриме и играчите што ги имаме“.

Што се однесува до Гонзало Рамос, очекува неговите голови да дојдат и со црвено-црниот дрес: „Напаѓач треба да постигнува голови и тој тоа ќе го направи. Работи напорно. Ако постигнуваме голови, тоа е и благодарение на него. Треба да продолжи да и помага на екипата, неговите голови сигурно ќе дојдат“.

За врската со Милан: „Од дете го следам овој клуб. Во мое време, Милан беше најсилната екипа во Италија и италијанскиот фудбал беше најдобарото првенство во светот. Многу сум среќен што сум тука и чувствувам голема одговорност да го вратам клубот на местото што го заслужува“.