Анчелоти приреди изненадување за Реал Мадрид за вечерашниот натпревар

Реал Мадрид вечерва од 21 часот ќе го пречека Шериф од Тираспол во 2.коло од групната фаза на Лигата на шампионите.

Кралевите го победија Интер со 1:0 во првото коло на Меаца, но вечерва, барем на хартија, ги чека далеку полесен ривал, но секако претпазливоста никогаш не е доволна, особено кога станува збор за натпреварите во европските натпреварувања.

Реал во секој случај ќе биде голем фаворит против Молдавците, а тренерот Карло Анчелоти наводно подготвува изненадување за тимот.

Имено, тој е решен да го одмори првиот голман Тибо Куртоа, па меѓу стативите треба да биде Украинецот Андриј Лунин.

22-годишниот талентиран голман дојде во Реал во 2018 година од Зорија, но клубот го испрати на позајмица во Леганес, Ваљадолид и Овиедо. Досега немаше можност да брани на еден натпревар од Лигата на шампионите.

Шериф, исто како и Реал, ја отвори сезоната во Лигата на шампионите со донекаде неочекувана победа над Шахтјор од 2:0, кој денеска го игра натпреварот од 2.коло со Интер.