Анчелоти за скандалот со обложување: Тие играчи се болни
Фото: Real Madrid’s head coach Carlo Ancelotti concentrates prior the start of the Champions League group C soccer match between Napoli and Real Madrid at the Diego Armando Maradona stadium in Naples, Italy, Tuesday, Oct. 3, 2023. (AP Photo/Alessandra Tarantino)
Во последните денови еден од најголемите скандали во европскиот фудбал е поврзан со неколку големи италијански играчи и нивните признанија за нелегално обложување.
Николо Фаџоли беше првото име вмешано во целиот случај, а последните двајца се уште попознатите Николо Заниоло и Сандро Тонали. Тие во моментов се под истрага од обвинителството во нивната земја и доколку бидат прогласени за виновни, ќе се соочат со казни до три години суспензија од фудбалот.
Дополнително, има многу информации дека во наредните денови ќе бидат објавени уште неколку имиња вмешани во скандалот.
„Ова се големи грешки, тие играчи се болни и треба да се лекуваат“, беше првата реакција на Карло Анчелоти, тренерот на Реал Мадрид. „Од научна гледна точка, зависноста од коцкање е болест. За мене, сепак, ова е личен неуспех и не треба да се претставува како дамка на целиот италијански фудбал. Правдата нека биде задоволена. Според мене, овие момци го прекршија правилото, кое е сосема јасно: не можете да се обложувате, тоа е многу едноставно. Сите ние кои се залагаме за ова сме свесни. Впрочем, пред почетокот на секоја сезона, експресно сте предупредени дека тоа е забрането и дека не треба да го правите тоа“, објасни Анчелоти.
