Апсолутни светски рекордери: ПСЖ издвојува убедливо најмногу пари за плати од сите клубови во светот
Лионел Меси стана нов член на францускиот ПСЖ.
По заминувањето од Барселона, аргентинската sвезда одлучи кариерата да ја продолжи во редовите на францускиот великан со кого потпиша двегодишен договор.
Според студијата на Salary Sports во Париз, Меси ќе заработува околу 30 милиони евра годишно по оданочување, а со оглед на тоа што во клубот пристигнаа уште неколку starsвезди (Георгинио Вајналдум, Џанлуиџи Донарума и Серхио Рамос), ПСЖ одлучи да издвои оваа сезона најмногу пари за плати на играчи од сите спортски клубови во светот.
Парижаните ќе издвојуваат неверојатни 300 милиони евра годишно за огромните договори на Меси, Нејмар, Мбапе, Рамос и други, а тоа е апсолутен светски рекорд.
A new 💎 in Paris !
PSGxMESSI ❤️💙 pic.twitter.com/2JpYSRtpCy
— Paris Saint-Germain (@PSG_inside) August 10, 2021
Зад ПСЖ на листата е Реал Мадрид. Иако Кралевите се ослободија од одредени договори, тие сепак издвојуваат огромни пари за плати и фудбалерите ги чинат 250 милиони евра годишно.
Доминацијата на фудбалот на врвот ја продолжуваат Манчестер Јунајтед (237 милиони евра) и Барселона (230 милиони евра).
Вака изгледаат Топ 10 клубови во светот со најголема распределба за плати на играчите. Бројките се прикажани во евра.
1. ПСЖ – 300 милиони евра
2. Реал Мадрид – 250 милиони евра
3. Манчестер Јунајтед – 237 милиони евра
4. Барселона – 230 милиони евра
5. ЛА Доџерс – 228 милиони евра
6. Јувентус – 217 милиони евра
7. Баерн Минхен – 196 милиони евра
8. Челзи -192 милиони евра (без Лукаку)
9. Далас Каубојс – 187 милиони евра
10. Кливленд Браунс – 185 милиони евра
По доведувањето на Меси, многумина веруваат дека ПСЖ го надмина финансискиот фер -плеј и бараат од УЕФА да реагира по ова потпишување.
Засега нема реакција, но навистина е неверојатно што еден клуб троши толку пари за платите на фудбалерите.
