Арсенал и Барса близу до договор за размена за Гвендози-Кутињо

Топџиите се подготвени да се откажат од младиот Французин

Барселона им го понуди Филип Кутињо на Арсенал и Тотенхем во обид да се ослободат од Бразилецот.

Според „Индипендент“, Каталонците се подготвени да го продадат бидејќи има висока плата, но е и суфицит играч на „Камп Ноу“.

Според овој извештај, двата клуба од Премиерлигата се заинтересирани за него, но се чини дека Арсенал е поблизу до трансферот на поранешната sвезда на Ливерпул, со тоа што Матео Гвендози се очекува да ги напушти лондончаните.

Екипата од Ла Лига ќе добие и плус 9 милиони фунти од „Топџиите“, а Кутињо ќе оди во спротивна насока, односно кон Арсенал.