Арсими го совлада Силекс во Кратово

Првиот натпревар од 15.коло од Првата фудбалска лига одигран попладнево во Кратово заврши со победа од 3:1 на гостинската екипа Арсими против Силекс. Натпреварот се одигра по тешки услови, поради изобилните врнежи од дожд теренот беше во најголем дел покриен со вода и фудбалерите тешко ја контролираа топката.

Во такви услови гостите поведоа во финишот на првиот дел (44.минута) преку Мирнел Хуриќ. На 2:0 екипата на Арсими зголеми Ринор Ајдини во 61.минута, а голот за домашната екипа го постигна Мартин Мирчевски во 75.минута. Конечните 3:1 за Арсими ги постави Албан Таири во 81.минута.

Утре се играат два дуела: Пелистер – Македонија ЃП и Брера – Тиквеш, додека в недела на програма се натпреварите: Струга – Башкими и Вардар – Шкупи.

Последниот дуел од оваа рунда се игра в понеделник меѓу Шкендија и Работнички.