„Балотели нема да дојде во нашиот клуб затоа што парите му се на прво место“

Напаѓачот на Италија, Марио Балотели е сеуште без клуб, откако му истече договорот со Марсеј.

Балотели играше во Марсеј само половина година и на крајот не одлучи да остане во овој клуб иако тие му понудија континуирана соработка. Супер Марио сака да се врати во Италија затоа што неколку клубови покажале интерес за него.

Овој напаѓач беше најмногу поврзан со доаѓањето во Бреша, кој се врати во Серија А. Сепак, претседателот на клубот Масимо Селино изјави дека тоа веројатно нема да се случи.

Балотели е роден во Бреша и се очекуваше да дојде во овој клуб како големо засилување, но шансите за тоа се мали сега. Како што рече Селино, тој бил изненаден што на Балотели на прво место му се парите.

„Навистина ми се допаѓа Балотели, но секогаш велам дека тој покажува повеќе од неговите слаби страни отколку доблестите. Не можеме да си го дозволиме затоа што тој е прескап. Ако сака да дојде, ќе мора да се согласи со нашите услови затоа што не можеме да понудиме многу. Парите му се на прво место, а не љубовта кон родниот град како што мислат многу луѓе“, рече Селино.